საქართველოს პარლამენტის ეროვნული ბიბლიოთეკა

"დილა" - ქართული ყოველთვიური საბავშვო ჟურნალი, თავდაპირველად საქართველოს ალკკ ცკ-ისა და ვ.ი. ლენინის სახელობის ნორჩ პიონერთა ორგანიზაციის რესპუბლიკური საბჭოს ორგანო.

"დილა" დაარსდა 1928 წელს თბილისში, ეწოდებოდა "ოქტომბრელი". მეორე მსოფლიო ომის წლებში ჟურნალის გამოცემა შეწყდა. განახლდა 1945 წლის თებერვალში, 1947 წლის სექტემბრიდან ეწოდება "დილა".

სხვადასხვა პერიოდში ჟურნალთან თანამშრომლობდნენ მწერლები: შ.მღვიმელი, ნ.ნაკაშიძე, ცქვიტი, მარიჯანი, გ.ქუჩიშვილი, ი.იმედაშვილი, ი.გრიშაშვილი, ნ.ლორთქიფანიძე, პ.იაშვილი, მ.მრევლიშვილი, მ.ლებანიძე, გ.ნატროშვილი, რ.ჯაფარიძე; მხატვრები: ე.ახვლედიანი, ს.მაისაშვილი, ს.კეცხოველი, გ.თოთიბაძე, რ.ცუცქირიძე, ი.გაბაშვილი, რ.სტურუა, შ.ცხადაძე, ჯ.ლოლუა, თ.სამსონაძე, ე.ამბოკაძე, გ.როინიშვილი და სხვა; კომპოზიტორები: თ.შავერზაშვილი, მ.დავითაშვილი, ქ.ანდრონიკაშვილი, რ.ლაღიძე, ლ.შავერზაშვილი და სხვა. სხვადასხვა დროს ჟურნალის რედაქტორები იყვნენ: ა.მირცხულავა, ი.აბაშიძე, გ.კაძახიძე, ლ.ჭიჭინაძე, რ.მარგიანი, ი.ნონეშვილი, ჯ.ჩარკვიანი, მ.მაჭავარიანი.